Mohabbat..., Mohabbat..., Kiye Ja Rahi Ho
To Kya Hai Mohabbat..., Bata Doon Kya Tum Ko?
Tum Say Aashna, Kara Doon Har Gham Ko?
Aankhon Mein Moti Say Aansoo Tapka Doon
Na Jee Pao Tum Main Aisa Sadma Doon,
Khuwabon Mein Bhi Apna Chehra Laga Doon
Mairey Dil Mein Kya Hai, Main Tum Ko Bata Doon...?
Jab Say Mili Ho, Jiye Ja Rahi Ho
Mohabbat..., Mohabbat..., Kiye Ja Rahi Ho
Khabar Hai Kya Tum Ko? Ke Kya Hai Mohabbat...,
Zara Be-Qaraari, Aur Torri Si Ujlat,
Zara Chain Loota, Aur Taaron Ki Jag Mag
Na Lamhey Kattein, Aur Ye Gharriyon Ki Tak Tak
Aur Phir Zindagi Bhar Ka Rog Yehi Hai..!
Jo Jaan Ley Ke Chorrey, Ye Jog Wohi Hai...!
Jab Say Mili Ho, Jiye Ja Rahi Ho
Mohabbat..., Mohabbat..., Kiye Ja Rahi Ho
Tum Khuwabon Ki Malka! Tum Pariyon Ki Rani!
Na Samaj Pao Gi Tum Ye Bikhri Kahani,
Tum Kahan Aashna Ho? Zindagi Ke Har Rukh Say
Jo Miltey Hain Khushi Khushi Mein Hi Dukh Say
Tum Rangon Say Khailo, Tum Khushiyon Say Khailo,
Jo Kuch Na Miley To Inn, Jazbon Say Khailo
Jab Say Mili Ho, Jiye Ja Rahi Ho
Mohabbat..., Mohabbat..., Kiye Ja Rahi Ho
Jab Raatein Aur Jab Din Bantey Hain Parbat,
Wohi Sab Kuch Jin Ko Tum Keh Lo Mohabbat
Jab Qalb Mein Chaa Jaati Hai Khamoshi Si
Jab Lagney Lagta Hai Koi Har Khushi Si
Na Hum Aashna Hain, Na Tum Aashna Ho
Magar Phir Bhi Hum Mein, Zara Pyar Sa Hai
Batao Na Hum Ko, Ke Kya Hai Ye Tum Mein?
Na Iqraar Sa Hai, Na Inkaar Sa Hai
Jab Say Mili Ho, Jiye Ja Rahi Ho
Mohabbat..., Mohabbat..., Kiye Jaa Rahi Ho ......