woh jo harf harf chiraaG tha
ussay kis hawa ne bujha diiya
kabhi lab hileiN gey to poochna
abhii kya kaheiN abhii kya suneiN
yuNhii khuwahishoN k fishaar meiN
kabhii be'sabab kabhii be'khalal
kahaN kon kis se bichaR gya
kise kis ne kaise gaNwa diiya
kabhi phir mileiN gey to poochna
ussay kis hawa ne bujha diiya
kabhi lab hileiN gey to poochna
abhii kya kaheiN abhii kya suneiN
yuNhii khuwahishoN k fishaar meiN
kabhii be'sabab kabhii be'khalal
kahaN kon kis se bichaR gya
kise kis ne kaise gaNwa diiya
kabhi phir mileiN gey to poochna
Salam Duniya Walo .....
kaise mizaaj haiN ....
poochna yeh tha k kis kis ne tanhai ka maza chakha hai .....
tanhai yeh nahiiN k ghar wale shadi pr gaye hue haiN ... aor aap ghar meiN tanhai ka shikaar hai ....
yeh bhii nahiiN k aap kuch dinoN k liiye out of city haiN aor network
kii kharabi kii waja se kisi se raabta nahiiN ho saka .. ....
aor aisi bhii hargiz nahiiN k aap ko shaadi meiN khaane k waqt kisi ne
poocha nahiiN aor aap akele plate pakar kr idher udher bhatak rahe haiN
.....
haaye yeh tanhaiyaN ...
kehte haiN k ronay se ya kisi apne se dukh share kerne se dil halka ho
jata hai .....aksar logoN kii zindagi meiN aksar aise moR aate haiN ...
jab woh tanhai meiN rote haiN aor koi dukh baantne wala bhii nazar
nahiiN aata unheiN ....beshak woh apne ghar waloN se share ker sakte
haiN ... ya phir Khuda k samne ro ker mutmain ho jate haiN lekin dil
mutmain tab bhii nahiiN hota....maiN nahiiN samajta k insan sirf Rab se
lo laga ker duniya meiN Reh sakta hai .... ya to insan jungloN meiN
chala jaye aor wahaN saari umr ibadat kerta rahe .... lekin agar maa,
baap, behn bhaiyoN aor dostoN k darmiyan rehna hai to yaqeenan insan ko
kabhi khushyiyaN mileiN gii aor kabhi mayusiyaN ... jazboN ko thais
bhii puhnchay gii.... isiliye to Allah ne apne saath saath bandoN k
haqooq poora kerne ka bhii hukam diiya hai ... aor inhii cheezoN ka
hisaab kitaab liiya jaye ga hum se ....
kher baat ho rahii thii tanhai kii .... kabhii zindagi meiN aisa moR
aaya k aap ne sab k ird gird hote hue bhii apne aap ko poori duniya se
alag mehsoos kiiya ho ... yeh soch ker k kisi ko meri fikr nahiiN ..
jin kii fikr chahti hooN woh fikr nahiiN kerte ( koi bhii rishta ) aor
jo fikr kerte haiN ( parents ) unn ko maiN fikr dena nahiiN chahti ..
maayus hone kii baat nahiiN ker rahi ... mayusi hosloN ki shikast ka
naam hai ... kuch insan tanha reh ker bhii to duniya jeet lete haiN aor
phir wohi duniya unehiN rashk bhari nazroN se dekhti hai .....