Yeh zara zara si baat par tarha tarha ke azaab kyu

neha_khan · 1 Yeh zara zara si baat par tarha tarha ke azaab kyu 28/05/10, 05:49 pm

neha_khan

New member

Gender : Female

Number of posts : 603
Birthday

Birthday : 1992-09-23
Age

Age : 31

Location : U.A.E
Forum Points

Forum Points : 5884
Job/hobbies : Poetries, Basketball, Cricket..
Registration date : 2010-05-21

Yeh zara zara si baat par tarha tarha ke azaab kyun,
Jo kisi se bhi khafa na ho, mujhe uss khuda ki talaash hai.

Mujhe laghzishon peh har ghari koi tok-ta hai baar baar,
Jise kar ke dil ko dukh na ho, mujhe uss gunaah ki talaash hai.

Main dhoondta hoon woh khizaan jise gulshanon se pyaar ho,
Jise kisi charaagh se na bair ho, mujhe uss hawaa ki talaash hai.

Mujhe uss nagar ki hai justuju jahan koi bhi chahata nahi lahoo,
Jahan hiran ko sher se dar na ho mujhe uss jagah ki talaash hai.

Yahan ik lamhe ke parraao mein mere saare phool jhulas gaye,
Ab jahan talkhiyon ki tapish na ho, mujhe uss fiza ki talaash hai.

Bina humsafar ke kab talak koi musafiton mein laga rahe,
Jahan koi kisi se juda na ho, mujhe uss raah ki talaash hai.

Mujhe dekh kar jo ik nazar mere saare dard samajh sake,
Jo iss kadar ho chara-gar, mujhe uss nigaah ki talaash hai.