Welcome to the Forum..

You are currently viewing our boards as a Guest which gives you limited access to view most discussions and access our other features. By joining our free community you will have access to post topics, communicate privately with other members (PM), respond to polls, upload content and access many other special features. Registration is fast, simple and absolutely free so please, join our community today!

If you have any problems with the registration process or your account login, please contact us.

Join the forum, it's quick and easy

Welcome to the Forum..

You are currently viewing our boards as a Guest which gives you limited access to view most discussions and access our other features. By joining our free community you will have access to post topics, communicate privately with other members (PM), respond to polls, upload content and access many other special features. Registration is fast, simple and absolutely free so please, join our community today!

If you have any problems with the registration process or your account login, please contact us.
Would you like to react to this message? Create an account in a few clicks or log in to continue.

You are not connected. Please login or register

 » Poetry Corner » urdu poetry » amjad islam amjad z poetry

amjad islam amjad z poetry

3 posters

Go down  Message [Page 1 of 1]

1amjad islam amjad z poetry Empty amjad islam amjad z poetry 05/03/10, 03:36 pm

sun_shine2611

sun_shine2611
New member
New member

yahii bahut hai ke dil us ko Dhuu.ND laayaa hai
kisii ke saath sahii vo nazar to aayaa hai

karuu.N shikaayate.n takataa rahuu.N ke pyaar karuu.N
gaye bahaar kii suurat vo lauT aayaa hai

vo saamane thaa magar ye yaqii.n na aataa thaa
vo aap hai ke merii Khvaahisho.n kaa saayaa hai

azaab huup ke kaise hai.n baarishe.n kyaa hai.n
fasiil-e-jism girii jab to hosh aayaa hai

mai.n kyaa karuu.Ngaa agar vo na mil sakaa 'Amjad'
abhii abhii mere dil me.n Khayaal aayaa hai

2amjad islam amjad z poetry Empty Re: amjad islam amjad z poetry 05/03/10, 03:37 pm

sun_shine2611

sun_shine2611
New member
New member

chehare pe mere zulf ko phailaao kisii din
kyaa roz garajate ho baras jaao kisii din

raazo.n kii tarah utaro mere dil me.n kisii shab
dastak pe mere haath kii khul jaao kisii din

pe.Do.n kii tarah husn kii baarish me.n nahaa luu.N
baadal kii tarah jhuum ke ghir aao kisii din

Khushbuu kii tarah guzaro mere dil kii galii se
phuulo.n kii tarah mujh pe bikhar jaao kisii din

phir haath ko Khairaat mile band-e-qabaa kii
phir lutf-e-shab-e-vasl ko doharaao kisii din

guzare.n jo mere ghar se to ruk jaaye.n sitaare
is tarah merii raat ko chamakaao kisii din

mai.n apanii har ik saa.Ns usii raat ko de duu.N
sar rakh ke mere siine pe so jaao kisii din

3amjad islam amjad z poetry Empty Re: amjad islam amjad z poetry 05/03/10, 03:38 pm

sun_shine2611

sun_shine2611
New member
New member

meraa tamaam fan merii kaavish meraa riyaaz
ik naa-tamaam giit ke misare hai.n jin ke biich
maanii kaa rabt hai na kisii kaafiye kaa mel
anjaam jis kaa tay na huaa ho ik aisaa khel
merii mataa bas yahii jaduu hai ishq kaa
siikhaa hai jis ko mai.n ne ba.Dii mushkilo.n ke saath
lekin ye saahir-e-ishq kaa tohfaa ajiib hai
khulataa nahii.n hai kuchh ke haqiiqat me.n kyaa hai ye
taqadiir kii ataa hai yaa ko_ii sazaa hai ye
kis se kahe.n ai jaa.N ke ye qissaa ajiib hai
kahane ko yuu.N to ishq kaa jaduu hai mere paas
par mere dil ke vaaste itanaa hai is kaa bojh
siine se ik pahaa.D-saa haTataa nahii.n hai ye
lekin asar ke baab me.n halkaa hai is qadar
tujh pe agar chalaauu.N to chalataa nahii.n hai ye

4amjad islam amjad z poetry Empty Re: amjad islam amjad z poetry 05/03/10, 03:38 pm

sun_shine2611

sun_shine2611
New member
New member

sitaare jo damakate hai.n
kisii kii chashm-e-hairaa.N me.n
mulaaqaate.n jo hotii hai.n
jamaal-e-abr-o-baaraa.N me.n

ye na abaad vaqto.n me.n
dil-e-naashaad me.n hogii
muhabbat ab nahii.n hogii
ye kuchh din baad me.n hogii

guzar jaaye.nge jab ye din
ye un kii yaad me.n hogii

5amjad islam amjad z poetry Empty Re: amjad islam amjad z poetry 05/03/10, 03:39 pm

sun_shine2611

sun_shine2611
New member
New member

Khud apane liye baiTh ke soche.nge kisii din
yuu.N hai ki tujhe bhuul ke dekhe.nge kisii din

bhaTake hue phirate hai.n ka_ii lafz jo dil me.n
duniyaa ne diyaa vaqt to likkhe.nge kisii din

hil jaaye.nge ik baar to arsho.n ke dar-o-baam
ye Khaak_nashii.n log jo bole.nge kisii din

aapas kii kisii baat kaa milataa hii nahii.n vaqt
har baat ye kahate hai.n ke baiThe.nge kisii din

ai jaan terii yaad ke be-naam parinde
shaaKho.n pe mere dard kii utare.nge kisii din

jaatii hai kisii jhiil kii gaharaa_ii kahaa.N tak
aa.nkho.n me.n terii Duub ke dekhe.nge kisii din

Khushbuu se bharii shaam me.n jugnuu ke qalam se
ik nazm tere vaaste likkhe.nge kisii din

soye.nge terii aa.Nkh kii Khlvat me.n kisii raat
saaye me.n terii zulf ke jaage.nge kisii din

Khushbuu kii tarah ,asl-e-sabaa Khaak numaa se
galiyo.n se tere shahar kii guzare.nge kisii din

'Amjad' hai yahii ab ke kafan baa.Ndh ke sar se
us shahar-e-sitam_gaar me.n jaaye.nge kisii din

6amjad islam amjad z poetry Empty Re: amjad islam amjad z poetry 05/03/10, 03:40 pm

sun_shine2611

sun_shine2611
New member
New member

chupake chupake asar karataa hai
ishq kainsar kii tarah ba.Dhataa hai

[kainsar = cancer]

jo ko_ii jii na sake mar jaaye
aap kaa naam abas letaa hai

kaun sunataa hai kisii kii vipadaa
sab ke maathe pe yahii qissaa hai

ko_ii Darataa hai bharii mahafil me.n
ko_ii tanhaa_ii me.n ha.Ns pa.Dataa hai

yahii jannat hai yahii hai dozaKh
aur dekho to yahii duniyaa hai

[jannat = heaven; dozaKh = hell]

sab kii qismat me.n fanaa hai jab tak
aasmaano.n pe ko_ii zindaa hai

[fanaa = mortality]

vo Khudaa hai to zamii.n par aaye
hashr kaa din to yahaa.N barpaa hai

[hashr kaa din = day of judgement]

saa.Ns roke hue baiTho 'Amjad'
vaqt dushman kii tarah chalataa hai

7amjad islam amjad z poetry Empty Re: amjad islam amjad z poetry 05/03/10, 03:41 pm

sun_shine2611

sun_shine2611
New member
New member

kisii kii aa.Nkh jo pur_nam nahii.n hai
na samajho ye ke us ko Gam nahii.n hai

savaad-e-dard me.n tanhaa kha.Daa huu.N
palaT jaa_uu.N magar mausam nahii.n hai

samajh me.n kuchh nahii.n aataa kisii ke
agarche guftaguu mubaham nahii.n hai

sulagataa kyuu.N nahii.n taariik jangal
talab kii lau agar maddham nahii.n hai

ye bastii hai sitam paravar digaan kii
yahaa.N ko_ii kisii se kam nahii.n hai

kinaaraa duusaraa dariyaa kaa jaise
vo saathii hai magar maharam nahii.n hai

dilo.n kii raushanii bujhane na denaa
vajuud-e-tiiragii mahakam nahii.n hai

mai.n tum ko chaah kar pachhataa rahaa huu.N
ko_ii is zaKhm kaa maraham nahii.n hai

jo ko_ii sun sake 'Amjad' to sunaa denaa
ba-juz ek baaz gasht-e-Gam nahii.n hai

8amjad islam amjad z poetry Empty Re: amjad islam amjad z poetry 05/03/10, 03:42 pm

sun_shine2611

sun_shine2611
New member
New member

kisii kii aa.Nkh jo pur_nam nahii.n hai
na samajho ye ke us ko Gam nahii.n hai

savaad-e-dard me.n tanhaa kha.Daa huu.N
palaT jaa_uu.N magar mausam nahii.n hai

samajh me.n kuchh nahii.n aataa kisii ke
agarche guftaguu mubaham nahii.n hai

sulagataa kyuu.N nahii.n taariik jangal
talab kii lau agar maddham nahii.n hai

ye bastii hai sitam paravar digaan kii
yahaa.N ko_ii kisii se kam nahii.n hai

kinaaraa duusaraa dariyaa kaa jaise
vo saathii hai magar maharam nahii.n hai

dilo.n kii raushanii bujhane na denaa
vajuud-e-tiiragii mahakam nahii.n hai

mai.n tum ko chaah kar pachhataa rahaa huu.N
ko_ii is zaKhm kaa maraham nahii.n hai

jo ko_ii sun sake 'Amjad' to sunaa denaa
ba-juz ek baaz gasht-e-Gam nahii.n hai

9amjad islam amjad z poetry Empty Re: amjad islam amjad z poetry 05/03/10, 03:43 pm

sun_shine2611

sun_shine2611
New member
New member

chaa.Nd ke saath ka_ii dard puraane nikale
kitane Gam the jo tere Gam ke bahaane nikale

fasl-e gul aa_ii phir ik baar asiiraan-e-vafaa
apane hii Khuun ke dariyaa me.n nahaane nikale

[asiiraan-e-vafaa = prisoners of faithfulness/fidelity]

hijr ki choT ajab sang-shikan hotii hai
dil kii befaiz zamiino.n se Khazaane nikale

[hijr = separation; sang = stone; shikan = wrinkle/crease/crack]
[befaiz = that which does not yield anything]

umr guzarii hai shab-e-taar me.n aa.Nkhe.n malate
kis ufaq se meraa Khurshiid na jaane nikale

[shab-e-taar = dark night; ufaq = horizon; Khurshiid = sun]

kuu-e-qaatil me.n chale jaise shahiido.n kaa juluus
Khvaab yuu.N bhiigatii aa.Nkho.n ko sajaane nikale

[kuu-e-qaatil = beloved's street; juluus = procession]

dil ne ik ii.nT se taamiir kiyaa taaj mahal
tuu ne ik baat kahii laakh fasaane nikale

[ii.nT = brick; taamiir = (to) construct]

dasht-e tanhaa_ii-e-hijraa.N me.n kha.Daa sochataa huu.N
haaye kyaa log meraa saath nibhaane nikale

[dasht = desert; tanhaa_ii = solitude; hijraa.N = separation]

mai.n ne 'Amjad' use bevaastaa dekhaa hii nahii.n
vo to Khushbuu me.n bhii aahaT ke bahaane nikale

[bevaastaa = without reason]

10amjad islam amjad z poetry Empty Re: amjad islam amjad z poetry 05/03/10, 03:44 pm

sun_shine2611

sun_shine2611
New member
New member

terii zad se nikalanaa chaahataa hai
ye dariyaa ruKh badalanaa chaahataa hai

[zad = target/range]

vo sapanaa jis kii suurat hii nahii.n hai
merii aa.Nkho.n me.n chalanaa chaahataa hai

dilo.n kii maa.Ndagii pe kyaa ta'ajjub
ki suuraj bhii to Dhalanaa chaahataa hai

[maa.Ndagii = dimmed/faded/dulled' ta'ajjub = amazement]

nashist-e-dard badalii hai to ab dil
zaraa pahaluu badalanaa chaahataa hai

[nashist-e-dard = place where it hurts]

mujhe bhii saamanaa hai karbalaa kaa
meraa sar bhii uchhalanaa chaahataa hai

nahii.n hai tarjumaan-e-Gam ye aa.Nsuu
ye paanii ab ubalanaa chaahataa hai

[tarjumaan-e-Gam = translation (representative) of sorrow]

tabassum zer-e-lab kahataa hai 'Amjad'
ko_ii jazbaa machalanaa chaahataa hai

[tabassum = smile; zer-e-lab = beneath the lips (hidden)]
[jazbaa = emotion]

11amjad islam amjad z poetry Empty Re: amjad islam amjad z poetry 05/03/10, 03:45 pm

sun_shine2611

sun_shine2611
New member
New member

aisii hii sard shaam thii vo bhii
jab vo mahandii rachaaye haatho.n me.n
apanii aahaT ke Khauf se larazaa.N
surKh aa.Nchal me.n muu.Nh chhipaaye hue
apane Khat mujh se lene aa_ii thii
us kii sahamii hu_ii nigaaho.n me.n
kitanii Khaamosh iltijaaye.N thii.n
us ke chehare kii zard rangat me.n
kitanii majabuuriyo.n ke saaye the
mere haatho.n se Khat paka.Date hii
jaane kyaa soch kar achaanak vo
meraa shaanaa paka.D kar ro_ii thii
us ke yaaquut rang ho.nTho.n ke
kap_kapaate hue kinaaro.n par
saika.Do.n ankahe fasaane the
sard shaamo.n me.n der tak aksar
jab ye manzar dikhaa_ii detaa hai
ek lamhaa hinaa_ii haatho.n se
mujh ko apanii taraf bulaataa hai
ham_nashii.n ruuTh kar naa jaa mujh se
aisii hii sard shaam thii vo bhii

[sard = cold; Khauf = fear; larazaa.N = trembling]
[surKh = red; iltijaa = plea/entreaty]
[zard = yellow/pale; shaanaa = shoulder]
[yaaquut = ruby (a gem); ankahe = unsaid]
[manzar = view/scene; [lamhaa = moment]
[ham_nashii.n = companion]

12amjad islam amjad z poetry Empty Re: amjad islam amjad z poetry 05/03/10, 03:45 pm

sun_shine2611

sun_shine2611
New member
New member

mohabbat kii tabiyat me.n
ye kaisaa bachapanaa qudarat ne rakkhaa hai

ke jitanii puraanii jitanii bhii mazabuut ho jaaye
ise taa_iid-e-taazaa kii zaruurat phir bhii rahatii hai
yaqii.n kii aaKhirii had tak dilo.n me.n lah_lahaatii ho
nigaaho.n se Tapakatii ho lahuu me.n jag_magaatii ho
hazaaro.n tarah se dil_kash hasiin haale banaatii ho
use izhaar ke lafzo.n kii haajat phir bhii rahatii hai

mohabbat maa.Ngatii hai yuu.N gavaahii apane hone kii
ke jaise tifl-e-saadaa shaam ko ik biij boye
aur shab me.n bauraa uThe
zamii.n ko khod kar dekhe
ke paudhaa ab kahaa.N tak hai

mohabbat kii tabiyat me.n ajab takaraar kii Khuu hai
ke ye iqraar ke lafzo.n ko sunane se nahii.n thakatii
bichha.Dane kii gha.Dii ho yaa ko_ii milane kii sa'at ho
ise bas ek hii dhun hai
kaho mujh se mohabbat hai
kaho mujh se mohabbat hai

kuchh aisii besakuunii hai vafaa kii sar_zamii.no.n me.n
ke jo ahal-e-mohabbat ko sadaa bechain rakhatii hai
ke jaise phuul me.n Khsuhbuu ke jaise haath me.n taaraa
ke jaise shaam kaa taaraa
mohabbat karane vaalo.n kii sahar raato.n me.n rahatii hai
gumanaam ke shaaKhcho.n me.n aashiyaa.N banataa hai ulfat kaa
ye ain visaal me.n bhii hijr ke Khadsho.n me.n rahatii hai

mohabbat ke musaafir zindagii jab kaaT chukate hai.n
thakan kii karachiyaa.N chunate vafaa kii ajarake.n pahane
samay kii rah_guzar kii aaKhirii sarhad pe rukate hai.n
to ko_ii Duubatii saa.Nso.n kii Dorii thaam ker
dhiire se kahataa hai
ke ye sach hai naa
hamaarii zindagii ik duusare ke naam likhii thii
dhundhalakaa saa jo aa.Nkho.n ke qariib-o-duur phailaa hai
isii kaa naam chaahat hai
tumhe.n mujh se mohabbat thii
tumhe.n mujh se mohabbat hai

mohabbat kii tabiyat me.n
ye kaisaa bachapanaa qudarat ne rakkhaa hai

13amjad islam amjad z poetry Empty Re: amjad islam amjad z poetry 05/03/10, 03:46 pm

sun_shine2611

sun_shine2611
New member
New member

dil ke dariyaa ko kisii roz utar jaanaa hai
itanaa besimt na chal lauT ke ghar jaanaa hai

us tak aatii hai to har chiiz Thahar jaatii hai
jaise paanaa hii use asl me.n mar jaanaa hai

bol ai shaam-e-safar rang-e-rihaa_ii kyaa hai
dil ko rukanaa hai ki taaro.n me.n Thahar jaanaa hai

kaun ubharate hue mahataab kaa rastaa roke
us ko har taur suu-e-dasht-e-sahar jaanaa hai

mai.n khilaa huu.N to isii Khaak me.n milanaa hai mujhe
vo to Khushbuu hai use agale nagar jaanaa hai

vo tere husn kaa jaaduu ho ke meraa Gam-e-dil
har musaafir ko isii ghaaT utar jaanaa hai

14amjad islam amjad z poetry Empty Re: amjad islam amjad z poetry 05/03/10, 03:47 pm

sun_shine2611

sun_shine2611
New member
New member

kahaa.N aake rukane the raaste kahaa.N mo.D thaa use bhuul jaa
vo jo mil gayaa use yaad rakh jo nahii.n milaa use bhuul jaa

vo tere nasiib kii baariishe.n kisii aur chhat pe baras ga_ii
dil-e-beKhabar merii baat sun use bhuul jaa use bhuul jaa

mai.n to gum thaa tere hii dhyaan me.n terii aas me.n tere gumaan me.n
havaa kah ga_ii mere kaan me.n mere saath aa use bhuul jaa

tujhe chaa.Nd ban ke milaa thaa jo tere saahilo.n pe khilaa thaa jo
vo thaa ek dariyaa visaal kaa so utar gayaa use bhuul jaa

15amjad islam amjad z poetry Empty Re: amjad islam amjad z poetry 05/03/10, 03:49 pm

sun_shine2611

sun_shine2611
New member
New member

Mujay awaz de laina
Kabi jab ankh chalke to
Kabi jab dil na sambhle to
Mujay awaz de laina
Kabi jab dur ho koi
Bohat majbur ho koi
Koi awaz na day to
Mujay awaz de laina
Koi ansu na ponche to
Koi hansnay se roke to
Koi tum ko sataye to
Mujay awaz de laina
Kabi jab din na guzray to
Kabi jab raat tarpaye
Kabi din mei andhera ho
Mujay awaz de laina
Main tere passhota hon
Main teresath rehta hun
Mgr phir bhi guzarish hai
Mujay awaz day laina

16amjad islam amjad z poetry Empty Re: amjad islam amjad z poetry 05/03/10, 03:50 pm

sun_shine2611

sun_shine2611
New member
New member

uljhan tamaan umr ye taar-e-nafas meN thii !
dil kii muraad aashiquii meN yaa havas meN thii !
(taar-e-nafas : in every breath; muraad : aashiquii : love; desire; havas : lust)
dar thaa khulaa, pe baiThe rahe par sameT kar
karte bhii kyaa ke jaa-e-amaaN hii qafas meN thii !
(dar : door; par : feathers; jaa-e-amaaN : place of safety; qafas : prison)
sakte meN sab chiraaGh the, taare the dam-baKhud !
maiN us ke iKhtiyaar meN vo mere bas meN thii
(sakte meN : in trance; taare : stars; dam-baKhud : stunned)
ab ke bhii jamii hu’ii hai ye aaNkhoN ke saamne
KhvaaboN kii aik dhuNdh jo picchle baras meN thii
(dhuNdh : fog; baras : year)
kal shab to us kii bazm meN aise lagaa mujhe !
jaise ke kaaynaat merii das-taras meN thii
(shab : night; bazm : gathering; kaaynaat : universe; das-taras : within hand’s reach)
mehfil meN aasmaaN kii, bole ke chup rahe
“Amjad” sadaa zamiin isii pesh-o-pas meN thii
(zamiin : earth; pesh-o-pas : indecision)

17amjad islam amjad z poetry Empty Re: amjad islam amjad z poetry 05/03/10, 03:51 pm

sun_shine2611

sun_shine2611
New member
New member

kartaa huN jam’aa maiN to bikhartii hai zaat aur
baaqii hai kitnii ai mere maulaa, ye raat aur !
letii hai jaltii sham’aa bhii bujhne meN kuch to vaqt
hai aadmii saa ko’ii kahaaN be-sabaat aur
sailaab jaise letaa hai diivaar ke qadam
kartaa hai Gham bhii dil se ko’ii vaardaat aur
yuN to huzuur-e-paak (saw) ke laakhoN haiN madda’khvaaN
taa’ib sii likh rahaa hai magar kaun na’at aur
mazhar, az’l ke husn ke “Amjad” haiN be-shumaar
lekin jo dekhiye to hai baarish kii baat aur

18amjad islam amjad z poetry Empty Re: amjad islam amjad z poetry 05/03/10, 03:52 pm

sun_shine2611

sun_shine2611
New member
New member

manzar ke ird-gird bhii aur aar paar dhund
aa’ii kahaaN se aaNkh meN ye be-shumaar dhund
kaise na us kaa saaraa safar raaygaaN rahe
jis kaarvaan-e-shauq kii hai rahguzaar dhund
hai ye jo maah-o-saal kaa melaa lagaa hu’aa
kartii hai is meN chhup ke meraa intizaar dhund
aaNkheN vo bazm, jis kaa nishaaN dolte chiraagh
dil vo chaman, ke jis kaa hai rang-e-bahaar dhund
kamre meN mere Gham ke sivaa aur kuch nahiiN
khirkii se jhaaNktii hai kise baar-baar dhund
firdaus-e-gosh thehraa hai mubham saa ko’ii shor
nazaargii kaa shah’r meN hai aitbaar, dhund
naaTak meN jaise bikhre hoN kirdaar jaa-ba-jaa
“Amjad” fizaa-e-jaaN meN hai yuN be-qaraar dhund

19amjad islam amjad z poetry Empty Re: amjad islam amjad z poetry 05/03/10, 03:54 pm

sun_shine2611

sun_shine2611
New member
New member

amjad islam amjad z poetry Har_aik_baat_na_kyun_zahar_se_hamari_lagay

20amjad islam amjad z poetry Empty Re: amjad islam amjad z poetry 05/03/10, 06:30 pm

sharifuniv

sharifuniv
New member
New member

nice he

21amjad islam amjad z poetry Empty Re: amjad islam amjad z poetry 05/03/10, 10:23 pm

ERUM ALI

ERUM ALI
*Administrator*
*Administrator*

Very Nicee Sharing

Sponsored content



Back to top  Message [Page 1 of 1]

 » Poetry Corner » urdu poetry » amjad islam amjad z poetry

Permissions in this forum:
You cannot reply to topics in this forum