chaha to nahi tha..........

Chaha Tu Nahin Tha

Anjaam Fasanay Ka Yeh Chaha Tu Nahin Tha
Hum Tum Say Bichar Jayein Gein Socha Tu Nahin Tha

Yeh Baat Alag Hai K Sazza Jhaail Raha Hoon
Aye Dost Tujhay Bhool K Jeena Tu Nahin Tha

Tu Ashk Bahaata Hai Yahan Mousam-E-Gul Main
Koi Khaab Tera Bhi Kahin Toota Tu Nahin Tha...?

Phir Aaj Dowaon Main Aasar Aa Na Saka Kion...?
Phir Aaj Kisi Nay Tujhay Maanga Tu Nahin Tha...?

Woh Aaj Yohn Tarpa Hai K Qaboo Main Na Aaya
Dil Tha Tu Sitamgar Mera Itna Tu Nahin Tha

Phir Mouj-E-Saba Laye Hai Maanoos Si Khushboo
Tu Nay Tu Kahin Choo Kar Ussay Bheeja Tu Nahin Tha...?

Jo Sunn K Haansay Ho Meri Ruswaai Ka Qissa
Lafz Aap Aada Ho Gaye, Kehna Tu Nahin Tha

Sadiyon Say Rag-O-Pay Ka Jo Aazaar Bana Hai
Aisey Kabhi Hijr-E-Rawaan Thehra Tu Nahin Tha

Karta Na Janoon Khaiz Ussay Khoon-E-Jigar Say
Aisa Bhi Mera Yaad Say Jhagra Tu Nahin Tha

Dil Aaj Mujhay Phir Say Akaila Sa Laga Tha
Tu Bhi Ussi Sa'aat Kahin Tanha Tu Nahin Tha...?

Yaadon K Safeenon Nay Kia Rukh Kion Zehan Ka...?
Jaatay Kisi Lamhay Ko Pukaara Tu Nahin Tha...?