Hamaare daramiyaa.N aisaa koii rishtaa nahiin thaa
tere shaanon pe koii chhat nahiin thii
mere zimme koii aaNgan nahiin thaa
koi vaadaa terii zanjiir-e-paa banane nahiin paayaa
kisii iqaraar ne merii kalaaii ko nahiin thaamaa
havaae-dasht kii maanind
tuu aazaad thaa
raaste terii marzii ke tabe the
mujhe bhii apanii tanhaaii pe
dekhaa jaaye to
puuraa tasarruf thaa
magar jab aaj tuu ne
raastaa badlaa
to kuchh aisaa lagaa mujh ko
ke jaise tuu ne mujh se bevafaaii kii..
tere shaanon pe koii chhat nahiin thii
mere zimme koii aaNgan nahiin thaa
koi vaadaa terii zanjiir-e-paa banane nahiin paayaa
kisii iqaraar ne merii kalaaii ko nahiin thaamaa
havaae-dasht kii maanind
tuu aazaad thaa
raaste terii marzii ke tabe the
mujhe bhii apanii tanhaaii pe
dekhaa jaaye to
puuraa tasarruf thaa
magar jab aaj tuu ne
raastaa badlaa
to kuchh aisaa lagaa mujh ko
ke jaise tuu ne mujh se bevafaaii kii..